පෞද්ගලික රෝහල්වලින් ප්රතිකාර ලබා ගැනීමේදී ජනතාව බරපතළ ගැටලුවලට මුහුණ දී ඇති බැවින් පෞද්ගලික රෝහල් නියාමනය කිරීමට රජය පියවර ගෙන ඇති බව කැබිනට් ප්රකාශක අමාත්ය වෛද්ය නලින්ද ජයතිස්ස මහතා පවසයි.
පෞද්ගලික රෝහල් හිමිකරුවන් වැනි අදාළ පාර්ශ්ව සමඟ රජය සාකච්ඡා ආරම්භ කර ඇති බව ද අමාත්ය මණ්ඩල තීරණ දැනුම් දීමේ මාධ්ය හමුවේදී කැබිනට් ප්රකාශකවරයා හෙළි කළේය.
පෞද්ගලික රෝහල් නියාමනය සම්බන්ධයෙන් ගැසට් නිවේදන කිහිපයක් නිකුත් කර ඇති බවත් ඇතැම් ඒවා නිසි පරිදි ක්රියාත්මක කර නොමැති බවත් අමාත්යවරයා මාධ්යවේදියෙකු යොමු කළ ප්රශ්නයකට පිළිතුරු දෙමින් පැවසීය.
පෞද්ගලික රෝහල් නියාමනය කිරීමට රජයට බලය ඇති බවත්, පෞද්ගලික රෝහල් පමණක් නොව පෞද්ගලික වෛද්ය මධ්යස්ථාන ද නියාමනය කිරීමට රජය පියවර ගන්නා බවත් අමාත්යවරයා වැඩි දුරටත් පැවසීය.
