පොල් වගාව දියුණු කිරීම සඳහා කිසිදු රජයකට නිසි ප්රතිපත්තියක් නොමැති වීම හේතුවෙන් පොල් හිඟයක් ඇති වී ඇති බව අගමැතිනි ආචාර්ය හරිනි අමරසූරිය මහත්මිය ඊයේ (05) පාර්ලිමේන්තුවේදී ප්රකාශ කළාය.
පොල් වගාව දියුණු කිරීම සඳහා වත්මන් රජය නිසි ප්රතිපත්තියක් සකස් කරමින් සිටින බවත්, ඒ සඳහා කෙටිකාලීන වැඩසටහන් කිහිපයක් අනුගමනය කරන බවත් අග්රාමාත්යවරිය වැඩි දුරටත් සඳහන් කළාය.
මෙවර අයවැයෙන් පොල් වගාව දියුණු කිරීම සඳහා වැඩි මුදලක් වෙන් කිරීමට තීරණය කර ඇති බව ද ඇය පැවසුවාය.
වැවිලි හා ප්රජා යටිතල පහසුකම් අමාත්යාංශය යටතේ ඇති පොල් වගාවට අදාළ ආයතන ශක්තිමත් කිරීම, ඉහළ පොල් අස්වැන්නක් සඳහා පරීක්ෂණ පැවැත්වීම, දේශීය පොල් නිෂ්පාදනය වැඩි කිරීම සඳහා කෘෂිකාර්මික පිළිවෙත් සහ ඉහළ අස්වැන්නක් ලබා ගැනීමේ හැකියාව ඇති පොල් ප්රභේද හඳුනා ගැනීම, පොල් වගාවේ රෝග සහ පළිබෝධකයන් පාලනය කිරීම සඳහා අවශ්ය තාක්ෂණික උපදෙස් සහ නිර්දේශ ලබා දීම සහ අනාගතයේදී පොල් හිඟයක් වළක්වා ගැනීම සඳහා පොල් අංශයට අවශ්ය ප්රතිපත්ති යෝජනා ඉදිරිපත් කිරීම වැනි ක්රියාමාර්ග ගනිමින් සිටින බව අග්රාමාත්යවරිය වැඩිදුරටත් පෙන්වා දුන්නාය.
