ඕස්ට්රේලියානු රජයේ අරමුදල් යටතේ ක්රියාත්මක වන ‘ප්රතිරෝධී සහ ස්ත්රී පුරුෂ භාවය ඇතුළත් ආර්ථික පද්ධති (Resilient and Gender Inclusive Economic Systems – RIES)’ ව්යාපෘතියේ ජාතික සමාප්ති උත්සවය 2025 ජුනි 19 වන බ්රහස්පතින්දා පෙ.ව. 9 ට කොළඹ ගෝල් ෆේස් හෝටලයේදී පැවැත්වීමට නියමිතය.
එහි ප්රධාන ආරාධිත අමුත්තා ලෙස ඕස්ට්රේලියානු මහ කොමසාරිස් අතිගරු පෝල් ස්ටීවන්ස් මහතා සහභාගී වේ.
ආර්ථික සංවර්ධනයට ආන්තික ජනතාව ඇතුළත් කර ගැනීම සහ කාන්තාවන් සවිබල ගැන්වීම සඳහා 2020 දී ජාත්යන්තර රාජ්ය නොවන සංවිධානයක් වන Oxfam විසින් ආරම්භ කරන ලද RIES ව්යාපෘතිය ගොවීන් සහ ව්යවසායකයින් 7000කට අධික සංඛ්යාවකට ප්රතිලාභ ලබා දී ඇති අතර ඔවුන්ගේ නිෂ්පාදනය සහ ආදායම වැඩිදියුණු කර ඇත.
උතුරු, නැගෙනහිර, ඌව, මධ්යම සහ සබරගමුව පළාත්වල දිස්ත්රික්ක 10ක ක්රියාත්මක කරන ලද මෙම ව්යාපෘතිය මගින් පුහුණුවීම් සහ උපකරණ සැපයීම සිදු කරන ලද අතර දේශීය හා ජාත්යන්තර වශයෙන් නිෂ්පාදන සඳහා නව තාක්ෂණය සහ වෙළඳපොළ හඳුන්වා දෙන ලදී. ව්යාපෘතිය මගින් අවධානය යොමු කරන ලද අංශ වූයේ කුරුඳු, කොකෝවා, ගම්මිරිස්, කිරි සහ අත්යන්ත්ර රෙදිපිළි ය.
RIES ව්යාපෘතියේ ශ්රී ලංකික ක්රියාත්මකකරු වූයේ DevPro Guarantee Limited නම් සමාජ ව්යවසායයක් වන අතර DevPro අපනයන කෘෂිකර්මය දෙපාර්තමේන්තුව, සත්ව නිෂ්පාදන දෙපාර්තමේන්තුව, කුරුඳු සංවර්ධන දෙපාර්තමේන්තුව සහ හෙක්ටර් කොබ්බෑකඩුව ගොවිකටයුතු පර්යේෂණ සහ පුහුණුකිරීමේ ආයතනය (HARTI) සමඟ සාර්ථක ව්යාපෘති ගණනාවක් ක්රියාත්මක කරන ලදි.
ශ්රව්ය දෘශ්ය ඉදිරිපත් කිරීම් සහ නිෂ්පාදන ප්රදර්ශනයක් ඇතුළත් මෙම අවස්ථාවට රාජ්ය ආයතන ප්රධානීන්, විදේශ තානාපති කාර්යාල නියෝජිතයින්, ආර්ථික සවිබල ගැන්වීමේ ව්යාපෘති සඳහා සහාය දක්වන ලද රාජ්ය නොවන සංවිධාන සහ කාන්තාවන් ඇතුළු ගොවීන් සහ ව්යවසායකයින් පිරිසක් සහභාගී වීමට නියමිතය.
