අවංකකම, වෙහෙස මහන්සි වී වැඩ කිරීම සහ නොපසුබට උත්සාහය: Abans මාවත විවර කළ සාර්ථකත්වයේ සූත්‍රය
වැරදි කිරීමෙන් පසුව ද ව්‍යාපාරයක් පිළිබඳ ඉගෙනීම පැමිණිය හැකිය, මන්ද ඔබ පෙරට වඩා ශක්තිමත්ව හා වැඩි දැනුමකින් සන්නද්ධව, ඔබ එනතුරු බලා සිටින ඊළඟ විශාල අභියෝගයට නායකත්වය දීමට සූදානම්ව සිටින බැවිනි. අබාන් පෙස්ටොන්ජි (Aban Pestonjee) පවසන පරිදි, ඇයගේ නොපසුබට උත්සාහයන් ශ්‍රී ලංකාවේ විශාලතම, වඩාත්ම විවිධාංගීකරණය වූ සමූහ ව්‍යාපාරයක් වන Abans ස්ථාපිත කිරීම සහ සාර්ථකව පවත්වාගෙන යාමේදී තීරණාත්මක වී ඇත.
ජීවිත වැඩිදියුණු කිරීම සහ දකුණු ආසියාවට අවස්ථා ගෙන ඒම කෙරෙහි අවධානය යොමු කළ විශේෂඥයින් විසින් සම්පාදනය කරන ලද “දකුණු ආසියාවේ දරිද්‍රතාවය අවසන් කිරීම / End Poverty in South Asia” යන ලෝක බැංකු බ්ලොග් අඩවියට අදහස් දක්වමින් පෙස්ටොන්ජි “ශ්‍රී ලංකාවේ ඉහළම කාන්තා ව්‍යවසායිකාව” යන ගෞරවය ලැබීමට සුදුසු බවට පත් කළ ඇගේ වෘත්තීය ජීවිතය පුරා ඇය ගත් පුළුල් පියවර පිළිබඳව කතා කළාය. 10,000කට අධික සංඛ්‍යාවක් සේවයේ යොදවා ප්‍රධාන ව්‍යාපාර හයකට විවිධාංගීකරණය වූ ජයග්‍රාහී සූත්‍රය පවතින්නේ පෙස්ටොන්ජිගේ ජීවිතය නිර්වචනය කළ මූලික මූලධර්ම තුනක් තුළ වන අවංකකම, වෙහෙස මහන්සි වී වැඩ කිරීම සහ නොපසුබට උත්සාහය මත අතර එය මුළු Abans සමූහ ව්‍යාපාරයටම සහ ඒ හරහා මුළු ශ්‍රී ලංකාවටම පූර්වාදර්ශයක් සපයයි.
විශාල සිහින දැකීමට නිර්භීත වීම සහ අසාර්ථක වීමේ බිය පරාජය කිරීම Abans දියුණුවට උපකාරී වී ඇති බව පෙස්ටොන්ජි සඳහන් කර ඇත. කාන්තාවක් වීම ද තම රැකියා ක්ෂේත්‍රයට බාධාවක් වූ බව පෙන්වා දුන් ඇය, තමට හැකියාවක් ඇති බව ඔප්පු කළ පසු අභියෝග කිරීම අවසන් වූ බව ද පැවසුවාය. ඇයට අනුව, සාර්ථකත්වය අවංකභාවය සහ වෙහෙස මහන්සි වී වැඩ කිරීමේ පදනමක් මත ගොඩනගා ඇති අතර එය නොසැලෙන නොපසුබට උත්සාහය තුළින් පවත්වා ගෙන යනු ලැබේ.
වසර 50 කට වැඩි කාලයක් තිස්සේ Abans සමූහ ව්‍යාපාරය ගොඩනැගීමේ ඇගේ ගමන සිසුන්ට, විශේෂඥයින්ට සහ ව්‍යාපාර ලෝලීන්ට අධ්‍යයන විෂයයක් බවට පත්ව ඇත. විශේෂයෙන් හාවඩ් ව්‍යාපාරික පාසලේ බේකර් පුස්තකාල විශේෂ එකතුවේ (Baker Library Special Collections at Harvard Business School Creating) Emerging Markets Oral History Collection වෙත ඇයගේ සම්මුඛ සාකච්ඡා එකතු කිරීමත් සමඟ මෙය සිදුව ඇත.
“මම ඉතා නොපසුබට පුද්ගලයෙක් / I am a very persistent person” ඇය ඇගේ මූලධර්ම ගැන සහ ව්‍යාපාරය ආරම්භ කරන විට වෙළඳ නාම සහ බැංකු අල්ලා ගැනීමට සමත් වූ ආකාරය ගැන විමසූ සම්මුඛ පරීක්ෂක මහාචාර්ය ජෙෆ්රි ජෝන්ස්ට පැවසුවාය.
දශක ගණනාවක ආරවුල්, කැලඹීම් සහ මැදිහත්වීම් හරහා ගමන් කරමින්, ශ්‍රී ලංකාවේ වඩාත්ම ප්‍රසිද්ධ සන්නාමයක් වන Abans එහි වසර 55ක ඉතිහාසය තුළ බොහෝ දුරක් පැමිණ ඇත. මෙම ගමන පුරාම Abans සමූහය ශ්‍රී ලාංකික පාරිභෝගිකයින් මිලියන ගණනකට සේවය කර ඇති අතර, තවත් දහස් ගණනක් ව්‍යවසායකයින්ට ව්‍යාපාර අවස්ථා නිර්මාණය කර දී ඇති අතර, වෙළඳපොළේ ඇති හොඳම ඉලෙක්ට්‍රොනික උපකරණ, ගෘහ උපකරණ සහ තාක්ෂණය සමඟින් දශක ගණනාවක් රට ඉදිරියෙන් තබා ඇත.
මහාචාර්ය ජෝන්ස් සමඟ කළ සම්මුඛ සාකච්ඡාවේදී පෙස්ටොන්ජි මෙසේ සඳහන් කළාය, “යමෙකුට ව්‍යවසායකයෙකු වීමට අවශ්‍ය නම් (විශේෂයෙන් කාන්තාවක් නම්) ඇය ව්‍යාපාරයෙන් ඇය අත්කර ගන්නේ කුමක්ද යන්න ගැන නොසිතිය යුතුයි. ඇය තමා කරන ව්‍යාපාරය ගැන උනන්දු විය යුතු අතර එය සමාජයට උපකාරී වන්නේ කෙසේද යන්න ගැන ඇය උනන්දු විය යුතුයි.”
අවංකභාවය, වෙහෙස මහන්සි වී වැඩ කිරීම සහ නොපසුබට උත්සාහය යන ඇගේ මූලික මූලධර්ම මගින් මූර්තිමත් කරන මෙම වචන, Abans සමූහයේ සාර්ථකත්වය සඳහා සූත්‍රයක් බවට පත්ව ඇති අතර, සීමාවන් නොසලකා හැරීමට නිර්භීත වූ සහ සිහින සැබෑ කළ නිර්භීත කාන්තාවකට ශ්‍රී ලාංකික සමාජය සිය ප්‍රණාමය පුදකර ඇත.
මෙම ලිපිය හෙක්ටර් කොබ්බෑකඩුව ගොවිකටයුතු පර්යේෂණ හා පුහුණුකිරීමේ ආයතනය / HARTI විසින් DevPro Guarantee Limited හි මූල්‍ය ප්‍රතිපාදන මත ක්‍රියාත්මක කරනු ලබන ‘ක්ෂුද්‍ර, කුඩා හා මධ්‍ය පරිමාණ කාන්තා ව්‍යවසායකයින් අතර ධාරිතාව ගොඩනැගීම සහ ජාලකරණය හරහා ව්‍යාපාරික අවස්ථා සහ කර්මාන්ත සම්බන්ධතා ප්‍රවර්ධනය කිරීම’ නම් වැඩසටහන මඟින් ‘ ලබා දෙන ලද ලිපියකි.
මූලාශ්‍රය – https://www.ft.lk/business/Honesty-hard-work-and-perseverance-Formula-for-success-that-paved-the-Abans-way/34-774545
