මිනිසෙක් බෝට්ටුවක් පින්තාරු කිරීමට තම තීන්ත සහ බුරුසු ගෙනැවිත්, හිමිකරු ඔහුගෙන් ඉල්ලා සිටි පරිදි බෝට්ටුව දීප්තිමත් රතු පාටින් පින්තාරු කිරීමට පටන් ගත්තේය.
පින්තාරු කරන අතර තුර, බඳෙහි කුඩා සිදුරක් දුටු ඔහු හිමිකරු එය කළින් නොකීවත් නිහඬව එයද අලුත්වැඩියා කළේය.
පසුදා බෝට්ටුවේ හිමිකරු චිත්‍ර ශිල්පියා වෙත පැමිණ චිත්‍ර ඇඳීම සඳහා ගෙවන මුදලට වඩා ඉතා ඉහළ මුදලක චෙක්පතක් ඔහුට පිරිනැමුවේය.
පින්තාරුකරු පුදුමයට පත් වී “ඔබ බෝට්ටුව පින්තාරු කිරීම සඳහා මට ගෙවා ඇති මුදල පමණටත් වඩා වැඩියි සර්!”
හිමිකරු ; “නමුත් මෙය තීන්ත වැඩ සඳහා නොවේ. ඒ බෝට්ටුවේ සිදුර අලුත්වැඩියා කිරීම සඳහා ය.
“ආ! නමුත් එය එතරම් දෙයක් නෙවෙයි … ඇත්තෙන්ම එතරම් නොවැදගත් දෙයකට මට එතරම් ඉහළ මුදලක් අවශ්‍ය නැත. ”
හිමිකරු ; “මගේ හිතවත් මිත්‍රයා, ඔබට තේරෙන්නේ නැහැ. සිදු වූ දේ මම ඔබට කියන්නම්:
“ඔරුවට තීන්ත ගාන්න කිව්වම මට සිදුර කියන්න අමතක වුණා.
“ඔරුව වේළුණාම මගේ ළමයි ඔරුව අරගෙන මාළු අල්ලන්න ගියා.
“ඔවුන් දැනගෙන හිටියේ නැහැ සිදුරක් තියෙනවා කියලා. ඒ වෙලාවේ මම ගෙදර හිටියෙත් නැහැ.
“මම ආපසු ඇවිත් ඔවුන් බෝට්ටුව රැගෙන ගොස් ඇති බව දුටු විට, බෝට්ටුවේ සිදුරක් ඇති බව මට මතක් වූ නිසා මම බලාපොරොත්තු සුන් වී, හොදටම බයෙන් සිටියෙ.
“ඔවුන් මසුන් ඇල්ලීමෙන් ආපසු එනු දුටු විට මට ඇති වු සහනය සහ සතුට ගැන ඔබ සිතා බලන්න.
“ඊට පස්සේ, මම බෝට්ටුව පරීක්ෂා කළා, ඔබ සිදුර අලුත්වැඩියා කර ඇති බව එවිට මා සොයාගත්තා!
“දැන් ඔයාට පේනවා නේද, ඔයා මොනවද කළේ කියලා? ඔබ මගේ දරුවන්ගේ ජීවිතය බේරුවා! ඔබේ ‘පුංචි’ සත්ක්‍රියාව ගෙවා දමන්නට මා ළඟ මුදල් මදි.”
කවුරුන්, කවදා හෝ කෙසේද යන්න කුමක් වුවත්, ඔබට හැකි පමණ, සීමාවන් හැදින උදව් කරන්න, කෙනෙකුගේ කඳුළු පිස දමන්න, අවධානයෙන් සවන් දෙන්න, යමෙකුට අපව අවශ්‍ය වන්නේ කවදාද, නැතහොත් යමෙකුට අප කළ දේ වැදගත් වන්නේ කවදාද අපි දන්නේ නැත. නමුත් ඔබ ජීවිත කීයක් බේරාගෙන ඇත්දැයි නොදැන, ‘බෝට්ටු සිදුරු’ ගණනාවක් අලුත්වැඩියා කර තිබිය හැකිය.
උපුටා ගැනීමකි – Translated and edited by Rashmie Rajapaksha (මනෝවිද්‍යා උපදේශිකා / Psychological Counsellor) #RashmieRajapaksha facebook page
