වසරකට මෙරට දරුවන් 1000කට අධික සංඛ්යාවක් පිළිකා රෝගයට ගොදුරු වන බව මහරගම අපේක්ෂා රෝහලේ රුධිරගත පිළිකා රෝග පිළිබඳ විශේෂ වෛද්ය බුද්ධික සෝමවර්ධන මහතා සඳහන් කරයි.
ඒ අතරින් 30% ක් ලියුකේමියාවට ද, 25% ක් මධ්ය ස්නායු පද්ධතිය ආශ්රිත පිළිකා රෝගයට ද ගොදුරුවී ඇති බව සෝමවර්ධන මහතා හෙළි කළේය.
මෙරටින් වාර්ෂිකව පිළිකා රෝගීන් 40,000ක් පමණ වාර්තා වන අතර ඒ අතරින් 4,000ක් රුධිරගත පිළිකා රෝගීන් බව ඔහු ප්රකාශ කළේ ය.
මෙරටින් වාර්තා වන පිළිකා වලින් තුනෙන් එකක්ම වළක්වා ගත හැකි බව විශේෂ වෛද්ය බුද්ධික සෝමවර්ධන මහතා සඳහන් කළේ ය.
