ජාතික ළමා ආරක්ෂක අධිකාරියට 2024 වසරේදී ළමා ආරක්ෂණ ගැටලු සම්බන්ධයෙන් පැමිණිලි 8,746ක් සහ ලිංගික අපයෝජන සිද්ධීන් සම්බන්ධයෙන් පැමිණිලි 580ක් ලැබී ඇති බවත් ඉන් පැමිණිලි 321ක් විශේෂයෙන්ම ළමයින්ට සිදුකළ බරපතළ ලිංගික අපයෝජනයන් සම්බන්ධ පැමිණිලි බවත් ජාතික ළමා ආරක්ෂක අධිකාරිය පවසයි.
වැඩිම පැමිණිලි සංඛ්යාව, 2,746, ළමා ආරක්ෂණ ගැටලු සම්බන්ධ වන අතර, 1,950ක් ළමා කෲරත්වය සහ 229ක් ළමා සූරාකෑම සම්බන්ධ වේ.
ස්ත්රී දූෂණ සම්බන්ධයෙන් පැමිණිලි 42 ක් සහ වාණිජ අරමුණු සඳහා ලිංගික සූරාකෑම සම්බන්ධයෙන් පැමිණිලි 25 ක් ද ලැබී ඇත. අනෙකුත් කැපී පෙනෙන පැමිණිලි අතර ළමා විවාහ සම්බන්ධ පැමිණිලි 14ක් සහ නිරුවත් ඡායාරූප අන්තර්ජාලයට මුදා හැරීමේ තර්ජන 151ක් ඇතුළත් විය.
ඊට අමතරව සියදිවි නසා ගැනීමට තැත්කිරීම් සම්බන්ධයෙන් පැමිණිලි 18ක්, මත්ද්රව්යවලට ඇබ්බැහිවීම සම්බන්ධයෙන් පැමිණිලි 120ක් සහ බාලවයස්කාර ගැබ් ගැනීම් සම්බන්ධයෙන් පැමිණිලි 53ක් ලැබී ඇත.
උප්පැන්න සහතික නොමැති දරුවන් සම්බන්ධයෙන් පැමිණිලි 39ක් ද ජාතික ළමා ආරක්ෂක අධිකාරිය වෙත ලැබී ඇත.
අපයෝජනයට ගොදුරු වූවන් සඳහා නීතිමය සහය වැඩි දියුණු කිරීමේ උත්සාහයක් ලෙස අධිකාරිය නොමිලේ නීති සේවා සැපයීම සඳහා සුදුසුකම් ලත් නීතිඥ සංචිතයක් පිහිටුවීමේ ක්රියාවලියක් ආරම්භ කර ඇති අතර ළමා අපචාරවලට ගොදුරු වූවන් වෙනුවෙන් අධිකරණයේ පෙනී සිටීමට කැමති පළපුරුදු නීතීඥයින්ගෙන් අයදුම්පත් කැඳවීමට ද ජාතික ළමා ආරක්ෂක අධිකාරිය මේ වන විට පියවර ගෙන ඇත.
