දුර්වල මානසික සෞඛ්‍ය අවදානමට මුහුණ දෙන පිරිමින්ගේ යහපැවැත්ම වැඩිදියුණු කිරීමට ව්‍යාපාරවලට සියුම් ක්‍රම තිබේ. ඔබ දැනගත යුතු දේ මෙන්න.
අධ්‍යයනවලින් පෙනී යන්නේ දුර්වල මානසික සෞඛ්‍යයක් අත්විඳින විට පිරිමින් කාන්තාවන්ට වඩා උපකාර පැතීමට ඇති ඉඩකඩ අඩු බවයි.
- ව්‍යාපාර ක්ෂේත්‍රය තුළ පිරිමින්ගේ මානසික සෞඛ්‍යය පිළිබඳ ගැටලු විසඳීම සඳහා, පිරිමින් තම සේවා ස්ථානවල උපකාර පැතීමට වැඩි ඉඩක් ඇති කරන විසඳුම් අප විසින් සකස් කළ යුතුය.
- මෙය සිදු කිරීම සඳහා අපි රැකියා ස්ථානයේ මානසික සෞඛ්‍ය ගැටලු පිළිබඳ කතිකාව සාමාන්‍යකරණය කළ යුතුය. “මානසික සෞඛ්‍යය / Mental Health ” යන යෙදුම භාවිතය අඩු කළ යුතුය, ජීවන රටාව පදනම් කරගත් විසඳුම් දිරිමත් කළ යුතුය, මාර්ගගත චිකිත්සාව සඳහා ප්‍රවේශය ලබා දිය යුතු අතර හොඳ ජ්‍යෙෂ්ඨ ආදර්ශයන් නිර්මාණය කළ යුතුය.
ලොව පුරා පිරිමින්ගේ මානසික සෞඛ්‍යය අර්බුදයක පවතී. කැනඩාවේ මැක්ගිල් විශ්ව විද්‍යාලයේ මනෝචිකිත්සාව පිළිබඳ මහාචාර්ය රොබ් විට්ලි විසින් රචිත ලිපියක විස්තර කර ඇති පරිදි, ලොව පුරා සියදිවි නසාගැනීම් වලින් 70%ක් පිරිමින් විසින් සිදු කරන බව සංඛ්‍යාලේඛන පෙන්වා දෙයි.
මෙම භයානක කරුණ තිබියදීත්, දුර්වල මානසික සෞඛ්‍යයක් අත්විඳින විට පිරිමින් කාන්තාවන්ට වඩා උපකාර පැතීමට ඇති ඉඩකඩ අඩුය. මෙයට හේතුව තවමත් සමාජ අපකීර්තියක් පවතින අතර එමඟින් බොහෝ පිරිමින් අවදානමට ලක්විය හැකි යැයි සැලකීම හෝ උපකාර පැතීම පුරුෂාධිපත්‍යයේ සමාජ ඉදිකිරීම්වල සම්මතයන්ට පටහැනි බව විශ්වාස කිරීමය.
සිත්ගන්නා කරුණ නම්, එක්සත් රාජධානියේ මානසික සෞඛ්‍ය පුණ්‍යායතනයක් වන Mind විසින් කරන ලද පර්යේෂණයකින් හෙළි වූයේ පිරිමින්ගේ මානසික සෞඛ්‍ය ගැටලු සඳහා ප්‍රධාන මූලාශ්‍රය රැකියා ජීවිතය බවයි. පිරිමින් තිදෙනෙකුගෙන් එක් අයෙකු රැකියා ආතතිය ඔවුන්ගේ මානසික යහපැවැත්මට අහිතකර බලපෑම් වලට ආරෝපණය කරන බව පුණ්‍යායතනය සොයාගෙන ඇති අතර එය වාර්තා කරන කාන්තාවන්ට වඩා දෙගුණයකි. 2019 දී CV Library විසින් කරන ලද තවත් අධ්‍යයනයකට අනුව, සමීක්ෂණයට ලක් කළ පිරිමින්ගෙන් 61%ක් තම රැකියාවෙන් ඉවත් වීමට කැමති වූයේ එය ඔවුන්ගේ මානසික සෞඛ්‍යයට බලපාන බැවිනි. එසේ පැවසුවේ කාන්තාවන්ගෙන් 48.5%ක් පමණි.
එපමණක් නොව, ව්‍යාපාරවල හොඳින් ක්‍රියා කිරීමට ඇති පීඩනය නිසා, ප්‍රධාන විධායක නිලධාරීන් සහ ව්‍යවසායකයින් ද පුළුල් මහජනතාවට සාපේක්ෂව මානසික සෞඛ්‍ය ගැටලු වලින් අසමාන ලෙස පීඩාවට පත්ව ඇති බව Small Business Economics හි ප්‍රකාශයට පත් කරන ලද ලිපියකට අනුව පෙන්වා දී ඇත.
එක්සත් රාජධානියේ මානසික සෞඛ්‍ය සේවා සපයන්නෙකු වන ප්‍රියරි සමූහය, පිරිමින්ගේ මානසික සෞඛ්‍යය පිළිබඳ සමීක්ෂණයක් සඳහා පිරිමින් 1,000ක් සම්මුඛ සාකච්ඡාවට ලක් කළ විට, ඔවුන් සොයා ගත්තේ පිරිමින්ගෙන් 60%ක් තම ජීවිතයේ යම් අවස්ථාවක දී යමෙකු සමඟ තම මානසික සෞඛ්‍යය ගැන කතා කර ඇති නමුත්, පිරිමින්ගෙන් 40%ක් තවමත් සමීප මිතුරන්, පවුලේ අය හෝ වෛද්‍ය වෘත්තිකයෙකු සමඟ පවා තම මානසික සෞඛ්‍ය ගැටලු සාකච්ඡා කර නොමැති බවයි. තම මානසික සෞඛ්‍යය ගැන කිසි විටෙකත් විවෘත නොවූ මෙම පිරිමින් අතර, බහුතරයක් වාර්තා කළේ එයට යටින් පවතින හේතුව ඔවුන් තමන් විසින්ම එය සමඟ කටයුතු කිරීමට ඉගෙන ගැනීම බවයි. දෙවන සහ තුන්වන වඩාත් ජනප්‍රිය හේතු වන්නේ, “මම කිසිවෙකුට බරක් වීමට කැමති නැත” සහ “මම ඕනෑවට වඩා ලැජ්ජාවට පත් වෙමි.”
මෙම සොයාගැනීම් මට කියන්නේ ඉදිරි මාවතක් ඇති බවයි, නමුත් එයට රාමුවෙන් පිටත සිතීම අවශ්‍ය වේ. ව්‍යාපාර ක්ෂේත්‍රයේ පිරිමින්ගේ මානසික සෞඛ්‍යය සමඟ කටයුතු කිරීම සඳහා, පිරිමින්ට තම සේවා ස්ථානවල උපකාර පැතීමට වැඩි ඉඩක් ඇති කරන විසඳුම් අප විසින් සකස් කළ යුතු අතර, එය ලැජ්ජාවට කරුණක් නොවේ. අපට මෙය කළ හැකි ක්‍රම පහක් මෙන්න:
1. සේවා ස්ථානයට දැනුවත්භාවය ගෙන ඒම
මානසික සෞඛ්‍ය ගැටලු සම්බන්ධයෙන් බොහෝ පිරිමින් මුහුණ දෙන ලැජ්ජාව අවතක්සේරු කිරීමේ පළමු පියවරවලින් එකක් වන්නේ මානසික සෞඛ්‍ය ගැටලු පිළිබඳ කතිකාව සාමාන්‍යකරණය කිරීමයි. 2017 දී ඩෙනිස් ස්ටීවන්සන් සාමිවරයා සහ පෝල් ෆාමර් විසින් පවත්වන ලද ස්වාධීන සේවා ස්ථාන මානසික සෞඛ්‍ය සමාලෝචනයකට අනුව, “මානසික සෞඛ්‍යය දෙස බැලීමට නිවැරදි ක්‍රමය නම් අප සැමට එය ඇති අතර අපි සමෘද්ධිමත් වීම, අරගල කිරීම සහ අසනීප වීම සහ සමහර විට රැකියාවෙන් බැහැරව සිටීම අතර උච්චාවචනය වීමයි.” පෙනෙන පරිදි සෞඛ්‍ය සම්පන්න සහ ඵලදායී සේවකයෙකුට හෝ ව්‍යාපාරික නායකයෙකුට පවා යටින් පවතින මානසික සෞඛ්‍ය ගැටලු ඇති විය හැකි බව අවබෝධ කර ගැනීම, උපකාර පැතීමේදී බොහෝ පිරිමින් මුහුණ දෙන පීඩන අඩු කරනු ඇත.
ප්‍රවෘත්ති පත්‍ර, කණ්ඩායම් ව්‍යාපෘති සහ අනියම් පුහුණු සැසි හරහා මෙම සාකච්ඡා සාමාන්‍යකරණය කිරීමෙන් සෑම කෙනෙකුටම සාමූහිකව ගමන් කළ හැකි දෙයක් ලෙස විෂය කරුණු ක්‍රියාකාරීව සකස් කළහොත්, රැකියා ස්ථානයක් පිරිමින්ට ඔවුන්ගේ මානසික සෞඛ්‍ය අභියෝග සාකච්ඡා කිරීමට පහසු අවකාශයක් බවට පත් කළ හැකිය.
2. “මානසික සෞඛ්‍යය” යන යෙදුම භාවිතය අඩු කරන්න.
රැකියා ස්ථානයේ මානසික සෞඛ්‍ය සේවාවන් පිරිමින් විසින් භාවිතා කරන බව සහතික කිරීම සඳහා, ගැටලුව විස්තර කිරීමට අප භාවිතා කරන භාෂාව මුලින්ම වෙනස් කිරීම අත්‍යවශ්‍ය වේ. පර්යේෂණයන්ට අනුව, “මානසික සෞඛ්‍යය / Mental Health ” යන යෙදුම පිරිමින්ට පීඩාකාරී හෝ අප්‍රසාදජනක විය හැකි අතර, ඒ වෙනුවට, මානසික සෞඛ්‍ය ගැටලු විස්තර කිරීමට “ආතතිය / stress ” හෝ “පිළිස්සීම / Burnout ” වැනි වඩාත් නිශ්චිත යෙදුම් භාවිතා කළ යුතුය.
(Burnout යනු දිගු හෝ අධික ආතතිය නිසා ඇතිවන චිත්තවේගීය, මානසික සහ ශාරීරික වෙහෙසකාරී තත්ත්වයකි. එය බොහෝ විට රැකියාව සමඟ සම්බන්ධ වේ, නමුත් දෙමාපියන් වීම හෝ රැකබලා ගැනීම වැනි ජීවිතයේ වෙනත් අංශවල ද සිදුවිය හැකිය. ලෝක සෞඛ්‍ය සංවිධානය (WHO) 2019 දී පිළිස්සීම් / Burnout වෘත්තීය සංසිද්ධියක් ලෙස පිළිගෙන ඇති අතර එය ගෝලීය සෞඛ්‍ය ගැටලුවක් ලෙස සලකුණු කළේය).
පිරිමින් වඩාත් විසඳිය හැකි ගැටලු කෙරෙහි අවධානය යොමු කිරීමට සහ කතා කිරීමට කැමැත්තක් දක්වයි. එබැවින් මානසික සෞඛ්‍ය ගැටලු සාකච්ඡා කිරීමේදී පුළුල් වචන වලින් වැළකී සිටීමෙන් ඔවුන් වඩාත් විවෘත විය හැකිය. “ඔයා හොඳින්ද?” වැනි සාමාන්‍ය ප්‍රශ්න අසනවාට වඩා, රැකියා කාර්ය සාධනයට අදාළ නිශ්චිත ප්‍රශ්න පිරිමින්ගෙන් අසන විට ඔවුන්ට විසඳීමට පහසු විය හැකිය.
3. ජීවන රටාව පදනම් කරගත් විසඳුම් දිරිමත් කරන්න
තම සේවා ස්ථානයේ පෞද්ගලික ගැටලුවක් ඇති බව හඳුනා ගතහොත් පිරිමින්ට බොහෝ විට හුදකලා බවක් දැනෙන්නට පුළුවන. ඒ වෙනුවට, මානසික සෞඛ්‍ය විසඳුම් පුළුල් ජීවන රටා විසඳුම් සමඟ බැඳී ඇති විට, ක්‍රීඩාශීලීත්වය, මිත්‍රත්වය සහ කණ්ඩායම් වැඩ වැනි තේමාවන් ක්‍රියාත්මක කරන සේවා ස්ථාන ක්‍රියාකාරකම් නිර්මාණය කරන විට පිරිමින්ගේ මානසික සෞඛ්‍යය තුළ වැඩි ප්‍රතිලාභ ලබා ගත හැකිය. මානසික සෞඛ්‍යය වැඩිදියුණු කිරීම සඳහා සමාගමකට එක්ව කටයුතු කළ හැකි දෙයක් බවට පත් කිරීම පිරිමින්ගේ සහභාගීත්වය වැඩි කිරීමට හේතු වනු ඇත. මන්ද අවධානය යොමු වන්නේ පුද්ගලයන් ලෙස ඔවුන් කෙරෙහි පමණක් නොවන බැවිනි.
යහපැවැත්ම සඳහා විනෝද චාරිකා, කණ්ඩායම් උපදේශකත්ව සහ මිත්‍රශීලී ක්‍රීඩා ඉසව්, සේවා ස්ථානයක සාමූහික යහපැවැත්ම වැඩිදියුණු කළ හැකි සහ සගයන්ට සහයෝගයෙන් එකට වැඩ කිරීමට උපකාර කළ හැකි ක්‍රියාකාරකම් ලෙස ප්‍රවර්ධනය කළ හැකිය. මානසික සෞඛ්‍ය පුණ්‍යායතනයක් වන Mind හි “Get It Off Your Chest” අධ්‍යයනයට අනුව, පිරිමින් තම මානසික සෞඛ්‍යය සමඟ කටයුතු කිරීමේදී ශාරීරික ක්‍රියාකාරකම් සඳහා ඉහළ කැමැත්තක් දක්වයි.
4. මාර්ගගත චිකිත්සාව සඳහා ප්‍රවේශය ලබා දීම
මානසික සෞඛ්‍ය වෘත්තිකයෙකුගෙන් උපදෙස් ලබා ගත හැකි විට, විශේෂයෙන් මෙය මාර්ගගතව කළ හැකි විට, නිර්නාමිකභාවය සහතික කළ හැකි විට, පිරිමින් උපකාර පැතීමට වැඩි ඉඩක් ඇති බව පර්යේෂණවලින් සොයා ගෙන ඇත. මෙම ප්‍රවේශය මඟින් පිරිමින්ට තම මානසික සෞඛ්‍ය අරගල සාකච්ඡා කිරීමට විශ්වාසයෙන් සිටින බව සහතික කරනු ඇත, ඔවුන් සමාගමේ තම රැකියාව හෝ තනතුර අවදානමට ලක් කරන බවක් දැනෙන්නේ නැත.
5. හොඳ ජ්‍යෙෂ්ඨ ආදර්ශයන් නිර්මාණය කරන්න.
නායකත්ව තනතුරු දරන අනෙකුත් පිරිමින් ද එසේ කරන බව පෙනෙන විට, පිරිමින්ට තමන් සහ අන් අය ගැන සැලකිලිමත් වීමට බලගැන්වීමේ ඉඩකඩ වැඩිය. නිදසුනක් වශයෙන්, පිරිමි ප්‍රධාන විධායක නිලධාරියෙකු හෝ ජ්‍යෙෂ්ඨ විධායක නිලධාරියෙකු තම සේවකයින් සමඟ තමන්ගේ ම මානසික සෞඛ්‍ය අරගල ගැන කතා කිරීම සහ ඔවුන්ගේ මානසික යහපැවැත්ම සඳහා ඔවුන් ක්‍රියා කරන ආකාරය පැහැදිලි කිරීම ඉතා බලවත් විය හැකිය. ව්‍යාපාරවලට තම නායකයින්ට සහයෝගයෙන් වැඩ කළ හැකි බව සහතික කිරීම සඳහා එකට වැඩ කළ හැකි සහ ඔවුන්ගේ මානසික සෞඛ්‍යය සහ යහපැවැත්ම වැඩිදියුණු කිරීම සඳහා පුද්ගලික අත්දැකීම් බෙදා ගත හැකි ප්‍රධාන විධායක නිලධාරී සහ ව්‍යවසායක ප්‍රජාවන් සම්බන්ධයෙන් ද එයම කිව හැකිය.
විලියම් ලුවී – හොංකොං ව්‍යාපාරිකයෙකු සහ දානපතියෙකු වන ඔහු, Transport International හි විධායක නොවන අධ්‍යක්ෂවරයෙකු ලෙස ද සේවය කරයි; JNW Propertiesහි නිර්මාතෘ සහ Hong Kong Construction හි සභාපති ද ඔහුය. ලුවී S. D. Louey Educational Foundation නිර්මාතෘ ලෙස අධ්‍යාපනික වශයෙන් දක්ෂ සිසුන්ට ශිෂ්‍යත්ව ලබා දෙයි.
https://www.entrepreneur.com/living/5-ways-we-can-improve-mens-mental-health-in-business/491623
