ශ්රී ලංකාව තුළ ලිංගික අන්තර්ගතයන් අන්තර්ජාලය හරහා ප්රවර්ධනය කිරීම, නිෂ්පාදනය කිරීම හෝ බෙදා හැරීම නීති විරෝධී බවත්, ඊට සම්බන්ධ පුද්ගලයින්ට නඩු පැවරිය හැකි බවත් පොලිසිය අනතුරු ඇඟවීය.
විදේශයන්හි ක්රියාත්මක වන වැඩිහිටි වෙබ් අඩවි සහ ජංගම යෙදුම් කිහිපයක් මූල්යමය දිරිගැන්වීම් ලබා දෙන බැවින්, ශ්රී ලාංකිකයින් වැඩි වැඩියෙන් මාර්ගගත ලිංගික අන්තර්ගත නිෂ්පාදනයට යොමු වන බව වාර්තා වන බව ද පොලිසිය පොලිසිය වැඩි දුරටත් හෙළි කළේය.
සමහර වෙබ් අඩවි විදේශීය අධිකරණ බල ප්රදේශවලින් ක්රියාත්මක වුව ද, ශ්රී ලංකාවේ සහභාගීත්වය සහ පහසුකම් සැපයීම අපරාධ වැරදි යටතට ගැනෙන බව පොලිසිය පවසයි.
වෙබ් අඩවි සහ ඩිජිටල් වේදිකා හරහා ගණිකා වෘත්තිය හෝ ලිංගික ක්රියාකාරකම් ප්රවර්ධනය කිරීම ශ්රී ලංකාවේ නීතිය අනුව වරදක් බව අවධාරණය කළ පොලිසිය එවැනි අන්තර්ගතයන් නිෂ්පාදනය කිරීම, උඩුගත කිරීම, කළමනාකරණය කිරීම හෝ බෙදා හැරීම සම්බන්ධ පුද්ගලයින්ට එරෙහිව චෝදනා ගොනු කළ හැකි බව ද අවධාරණය කළේය.
ශ්රී ලංකාවේ ගණිකා වෘත්තිය සහ ඒ ආශ්රිත ක්රියාවන් පාදඩ ආඥා පනත සහ ගණිකා නිවාස ආඥා පනත යටතේ නීති විරෝධී වේ. එවැනි ක්රියාකාරකම්වල නියැලෙන හෝ පහසුකම් සපයන පුද්ගලයින් අත්අඩංගුවට ගැනීමට සහ අධිකරණ ක්රියාමාර්ග ගැනීමට යටත් වේ.
බොහෝ පරිශීලකයින් (විශේෂයෙන් තරුණ ජෝඩු) තම අනන්යතාවයන් සැඟවී පවතිනු ඇති බවටත්, එවැනි ක්රියාකාරකම් නිවසේ සිට රහසිගතව සිදු කළ හැකි බවටත් ඇති විශ්වාසය නිසා විදේශගත වැඩිහිටි වෙබ් අඩවිවලට අසභ්ය අන්තර්ගතයන් අලෙවි කිරීමට ආකර්ෂණය වී ඇති බව අනාවරණය වූ බවයි පොලිසිය වැඩි දුරටත් පවසන්නේ.
