2024 දී පාරිභෝගික මිල ගණන් 1.3% කින් ඉහළ ගිය පසු, 2025 දී ශ්‍රී ලංකාවේ උද්ධමනය සාමාන්‍යයෙන් 2% ක් පමණ වනු ඇතැයි ලෝ ප්‍රකට වෙබ් අඩවියක් වන Bloomberg පවසයි.
පසුගිය ජනවාරි මාසයේදී උද්ධමනය ඍණ 4%ක් දක්වා පහත වැටී ඇති බවත්, එය පෙර මාසයේ 1.7%ක පහත වැටීමකට වඩා ගැඹුරු බවත් සඳහන් කළ Bloomberg එය ඔවුන්ගේ පුරෝකථනය -3.8% වසරින් වසරට අනුකූල වන බවත් සඳහන් කළේය.
අවධමනය අඛණ්ඩව පැවතීමට ප්‍රධාන වශයෙන් දායක වන්නේ නිවාස මිල පහත වැටීමයි.
“මේ වසරේ උද්ධමනය සාමාන්‍යයෙන් 2%ක් පමණ වනු ඇතැයි අපි අපේක්ෂා කරනවා. 2024 දී පාරිභෝගික මිල ගණන් 1.3% කින් ඉහළ ගිය අතර, එය 2023 දී වාර්තා වූ 20.5% සිට තියුණු ලෙස පහත වැටීමක්,” බ්ලූම්බර්ග් පැවසීය.
එපමණක් නොව, දුර්වල ඉල්ලුම, අඩු දේශීය බලශක්ති මිල ගණන් හේතුවෙන් මෙම වසරේ අප්‍රේල් දක්වා අවධමනය පවතිනු ඇතැයි Bloomberg අපේක්ෂා කරයි.
කෙසේ වෙතත්, මෙම අවධමනකාරී තත්ත්වයන් දිගු කලක් පවතින්නේ නැති බවත්, මැයි මාසයේදී උද්ධමනය නැවත පැමිණ 2025 අවසානය වන විට මහ බැංකුවේ ඉලක්කය සමඟ අභිසාරී වීමට ඉඩ ඇති බවත් Bloomberg වැඩිදුරටත් පැවසීය.
“ඒ නිසා මහ බැංකුව මෙම තාවකාලික මිල චලනයන් හරහා ගමන් කරනු ඇතැයි අපි බලාපොරොත්තු වෙනවා” බ්ලූම්බර්ග් පැවසුවේ, උද්ධමනය සහ නිමැවුම් පරතරය පිළිබඳ සිය ඇස්තමේන්තු මත පදනම්ව, ප්‍රතිපත්ති අනුපාතය දැන් සුදුසු මට්ටමක පවතින බැවින් එය ලිහිල් කිරීම බොහෝ විට සිදු කර ඇති බවයි.
“ශ්‍රී ලංකා මහ බැංකුවේ ප්‍රතිපත්ති අනුපාතය (දැනට 8%ක් වන) සුදුසු මට්ටමක පවතින බව අපි සිතනවා” යනුවෙන් Bloomberg හි සඳහන් විය.
තවද, 2025 අවසානය වන විට උද්ධමනය මහ බැංකුවේ අපේක්ෂිත ඉලක්කය 5% ඉලක්කය සමඟ අභිසාරී වනු ඇති බවත්, අතිරේක මුදල් ලිහිල් කිරීමකින් තොරව වුව ද, නිමැවුම් පරතරය (දැන් සෘණ) වසා දැමීමට නියමිත බවත් Bloomberg වැඩි දුරටත් සඳහන් කළේය.
