Instagram එහි යොවුන් පරිශීලකයින් සඳහා සෘජු පණිවිඩ අංශයේ / direct messaging section ප්‍රයෝජනවත් නව විශේෂාංග දෙකක් හඳුන්වා දී ඇත.
යෞවනයෙකු යමෙකු සමඟ කතාබහක් ආරම්භ කිරීමට උත්සාහ කරන සෑම අවස්ථාවකම, ඔවුන් දෙදෙනාම එකිනෙකා අනුගමනය කළත්, ඉන්ස්ටග්‍රෑම් දැන් ආරක්ෂිත උපදෙස් කිහිපයක් පෙන්වනු ඇත. මෙම ඉඟි යෞවනයන්ට අනෙක් පුද්ගලයාගේ පැතිකඩ / profile දෙස සමීපව බැලීමට සහ යම් දෙයක් වැරදියි නම් ඕනෑම තොරතුරක් බෙදා ගැනීමේදී ප්‍රවේශම් වීමට මතක් කර දෙයි.
ඊට අමතරව, Instagram දැන් කතාබහේ ඉහළින්ම අනෙක් පුද්ගලයා තම ගිණුම නිර්මාණය කළ මාසය සහ වර්ෂය පෙන්වනු ඇත. මෙම වෙනස සැලසුම් කර ඇත්තේ යෞවනයන්ට සැක සහිත හෝ ව්‍යාජ ගිණුම්, විශේෂයෙන් වංචාකරුවන්ට අයත් විය හැකි ගිණුම් හඳුනා ගැනීමට උපකාර කිරීම සඳහා ය.
