ලෝක මව්කිරි දීමේ සතිය සෑම වසරකම අගෝස්තු 1 සිට අගෝස්තු 7 දක්වා සමරනු ලැබේ. මව්කිරි දීම පිළිබඳව දැනුවත් කිරීම සහ එය මවගේ සහ දරුවාගේ සෞඛ්‍යයට ප්‍රයෝජනවත් වන ආකාරය පිළිබඳ අවබෝධය පුළුල් කිරීම මෙම දිනයේ අරමුණයි.
ලෝක සෞඛ්‍ය සංවිධානයට (WHO) අනුව, මව්කිරි දීම ළදරුවන්ගේ සෞඛ්‍ය සම්පන්න වර්ධනයට හා සංවර්ධනයට කදිම ආහාර සැපයීමේ අත්‍යවශ්‍ය අංගයක් වන අතර, එය රෝග වැළැක්වීම සඳහා ද වැදගත් කාර්යභාරයක් ඉටු කරයි.
මව්කිරි දීමෙන් මවට සහ ළදරුවාට ලැබෙන සෞඛ්‍යමය ප්‍රතිලාභ රාශියක් නිසා එය බොහෝ විට ‘ළදරුවාගේ පළමු එන්නත / baby’s first vaccine’ ලෙස හැඳින්වේ. මව්කිරි දීම ළදරුවාගේ පළමු එන්නත වන්නේ මන්දැයි වෛද්‍ය නීමා ෂර්මා පැහැදිලි කරයි.
පෝෂණ ප්‍රතිලාභ – ළදරුවෙකුගේ වර්ධනයට හා සංවර්ධනයට අවශ්‍ය පෝෂ්‍ය පදාර්ථවල පරිපූර්ණ සමතුලිතතාවය මව්කිරි වල අඩංගු වේ. එහි අත්‍යවශ්‍ය විටමින්, ඛනිජ ලවණ, ප්‍රෝටීන සහ මේද අඩංගු වන අතර ඒවා ළදරුවෙකුගේ මොළයේ වර්ධනයට, ප්‍රතිශක්තිකරණ පද්ධතියට සහ සමස්ත සෞඛ්‍යයට වැදගත් වේ.
ප්‍රතිශක්තිකරණ ප්‍රතිලාභ – මව්කිරි වල ප්‍රතිදේහ සහ අනෙකුත් ප්‍රතිශක්තිකරණ සාධක අඩංගු වන අතර එමඟින් ළදරුවන් විවිධ රෝග සහ ආසාදන වලින් ආරක්ෂා කරයි. (ශ්වසන ආසාදන, කන් ආසාදන සහ ආමාශ ආන්ත්‍රික ආසාදන වැනි). මෙම ප්‍රතිශක්තිකරණ සාධක මගින් මව්කිරි දෙන ළදරුවන් රෝග වලට ගොදුරු වීමේ අවදානම අඩු කරයි.
ආහාර ජීර්ණ ප්‍රතිලාභ – මව්කිරි පිටිකිරි වලට වඩා දිරවීමට පහසු වන අතර එමඟින් මලබද්ධය, පාචනය සහ උදරාබාධ වැනි ආහාර ජීර්ණ ගැටලු ඇතිවීමේ අවදානම අඩු කරයි. මව්කිරි වල අඩංගු ස්වාභාවික එන්සයිම ළදරුවන් තුළ සෞඛ්‍ය සම්පන්න ආහාර ජීර්ණ පද්ධතියක් වර්ධනය කිරීමට උපකාරී වේ.
බැඳීම සහ චිත්තවේගීය ප්‍රතිලාභ- මව්කිරි දීම මව සහ දරුවා අතර ශක්තිමත් චිත්තවේගීය බැඳීමක් ඇති කිරීමට උපකාරී වේ. මව්කිරි දීමේදී සමට සම ස්පර්ශ වීම සහ ඔක්සිටොසින් මුදා හැරීම දරුවාට ආරක්ෂාව සහ සැනසීම පිළිබඳ හැඟීමක් ඇති කරයි.
