ජාත්යන්තර ඔලිම්පික් කමිටුවේ (International Olympic Committee – IOC) අභිනව සභාපති ලෙස සිම්බාබ්වේ දේශයේ වත්මන් ක්රීඩා ඇමති මෙන්ම එරට හිටපු ඔලිම්පික් පිහිනුම් ශූරියක වන ක්රිස්ටි කොවෙන්ට්රි / Kirsty Coventry තේරීපත්ව තිබේ.
ඒ අනුව 41 හැවිරිදි කොවෙන්ට්රි සැලකෙන්නේ වසර 130ක (1894 සිට) ජාත්යන්තර ඔලිම්පික් කමිටු ඉතිහාසය තුළ සභාපති තනතුරට තේරීපත් වූ පළමු කාන්තාව ලෙසයි. එමෙන්ම ඇයට ජාත්යන්තර ඔලිම්පික් කමිටුවේ 10වන සභාපති, එම තනතුරට පත් පළමු අප්රිකානු ජාතිකයා මෙන්ම එම තනතුරට පත් වූ ළාබාලම තැනැත්තා වැනි ගෞරවයන් රැසක් හිමිය.
එළැඹෙන කාල වකවානුව වෙනුවෙන් ජාත්යන්තර ඔලිම්පික් කමිටුවේ නිලවරණය අද (20) ග්රීසියේදී පැවැත්විණි. එහිදී ඇය පළමු වටයේදීම බහුතර ඡන්ද සංඛ්යාවක් හිමිකර ගනිමින් මෙම ධුරයට පත්වීම විශේෂත්වයක්ය.
අභිනව සභාපතිනිය එළැඹෙන ජුනි මාසයේදී සිය ධුරයේ වගකීම් නිල වශයෙන් භාරගැනීමට නියමිතව ඇත. ඒ අනුව ඇය අවම වශයෙන් ඉදිරි වසර 8 ජාත්යන්තර ඔලිම්පික් කමිටු සභාපති ලෙසින් කටයුතු කරනු ඇති බව විදෙස් මාධ්ය වාර්තා කරයි.
