ශ්රී ලංකාවේ පෞද්ගලික ව්යාපාර සඳහා සෘජු මූල්ය පහසුකම් සැපයීම පිළිබඳව ක්රියාකාරීව සලකා බලමින් සිටින බව ආසියානු සංවර්ධන බැංකුව (Asian Development Bank – ADB) පසුගියදා හෙළිදරව් කිරීමත් සමඟ ශ්රී ලංකාවේ පෞද්ගලික අංශයට නුදුරු අනාගතයේ දී නැවුම් තල්ලුවක් ලැබෙනු ඇත.
මෙම සැලැස්ම කුඩා හා මධ්ය පරිමාණ ව්යවසායකයන්ගේ (SMEs) වර්ධනයට පහසුකම් සලසමින් ‘වසර පහක සහයෝගීතා උපාය මාර්ගය /five-year Country Partnership Strategy’ යටතේ අඛණ්ඩ ආර්ථික ප්රකෘතියට සහාය වීම සඳහා දායක වන ADB හි පුළුල් ප්රයත්නවල කොටසකි.
“අපගේ පුද්ගලික අංශයේ මෙහෙයුම් දෙපාර්තමේන්තුව අවශ්ය රාමුව ක්රියාත්මක වූ පසු රාජ්ය-පෞද්ගලික හවුල්කාරිත්වයන් (Public-Private Partnerships – PPPs) යටතේ ව්යාපෘති හඳුනා ගැනීමට, සකස් කිරීමට සහ ව්යුහගත කිරීමට සාකච්ඡා කරමින් සිටිනවා” ADB ජ්යෙෂ්ඨ ආර්ථික විද්යාඥ ලිලියා ඇලෙක්සන්යන් පසුගිය දා පැවසුවාය.
ඇය පුද්ගලික අංශයේ සංවර්ධනයට සහය දැක්වීම සඳහා ADB හි දැනට ක්රියාකාරී භූමිකාව ද පැහැදිලි කළාය.
දේශීය කුඩා හා මධ්ය පරිමාණ ව්යවසායකයින් සඳහා අත්යවශ්ය කාරක ප්රාග්ධනය සඳහා ප්රවේශය වැඩිදියුණු කිරීම සඳහා සහභාගී වන මූල්ය ආයතන සඳහා ADB පසුගිය වසරේ ඇමරිකානු ඩොලර් මිලියන 100ක මූල්ය අතරමැදි ණයක් අනුමත කරන ලදී. සිල්ලර වෙළඳාම දියුණු කිරීම සඳහා ADB විසින් ජෝන් කීල්ස් හෝල්ඩිංග්ස් හි ඇමරිකානු ඩොලර් මිලියන 40ක් ආයෝජනය කර ඇත.
“අපගේ ප්රවේශය වන්නේ පිළිගත හැකි මූල්ය ප්රතිලාභ ජනනය කරන වාණිජමය වශයෙන් ශක්ය ව්යාපෘති සහ ගනුදෙනු හඳුනා ගැනීමයි. නමුත් අපි මැනිය හැකි සංවර්ධන ප්රතිඵල ලබා දීම කෙරෙහි ද අවධානය යොමු කරනවා” ADB ජ්යෙෂ්ඨ ආර්ථික විද්යාඥ ලිලියා ඇලෙක්සන්යන් වැඩි දුරටත් පැවසුවා ය.
