පර්යේෂණවලින් පෙනී යන්නේ පුද්ගලයින් නව දෙනෙකුගෙන් එක් අයෙකුට ඔවුන්ගේ ජීවිතයේ යම් අවස්ථාවක පිළිකා ඇති විය හැකි බවයි. පිළිකාව සාමාන්ය රෝගයක් බවට පත්වෙමින් පවතින අතර, අපගේ ජීවන රටාව සහ දෛනික පුරුදු එයට හේතු වේද යන්න ගැන කල්පනා කිරීමට මෙම තත්ත්වය අපට බල කරයි.
ඇමරිකානු පිළිකා සංගමයේ නවතම වාර්තාවකට අනුව තරුණ වැඩිහිටියන්, විශේෂයෙන් කාන්තාවන් අතර පිළිකා රෝගීන් වැඩි වෙමින් පවතී. වාර්තාවට අනුව, භයානක ප්රවණතා පෙන්නුම් කරන්නේ වයස අවුරුදු 50 ට අඩු වැඩිහිටියන් අතර ය. පියයුරු, මහා බඩවැලේ, අග්න්යාශය සහ ගර්භාෂ ඇතුළු මුල් පිළිකා ඇතිවීමේ ප්රවණතාවයන් මොවුන් අතර ඉහළ යන බව අදාළ පර්යේෂණ හෙළිකර ඇත.
පිළිකා වැළඳීමේ අවදානම අඩු කරන්නේ කෙසේද? මේ සඳහා බොහෝ මග පෙන්වීම් ලබා ගත හැකිය. කෙසේ වෙතත්, එක් අධ්යයනයක නිර්දේශ තවත් අධ්යයනයක නිර්දේශයන්ට පටහැනි විය හැකිය. මීට අමතරව, විද්යාඥයින් නව පිළිකා වැළැක්වීමේ උපාය මාර්ග දිගටම විමර්ශනය කරයි.
කෙසේ වෙතත්, සමහර ජීවන රටා තීරණ පිළිකා වර්ධනය වීමේ අවදානමට බලපෑම් කළ හැකි බව විශේෂඥයින් පිළිගෙන ඇත. ඉතිං… පිළිකා වළක්වා ගැනීමට අවශ්ය නම් මෙම ජීවන රටා අත්හදා බැලීමට උත්සාහ කරන්න.
දුම්කොළ භාවිතා නොකරන්න
බොහෝ පිළිකා වර්ග දුම්පානයට සම්බන්ධ වී ඇත. පෙනහළු, මුඛය, උගුර, අග්න්යාශය, මුත්රාශය, ගැබ්ගෙල සහ වකුගඩු පිළිකා මෙම කාණ්ඩයට අයත් වේ. පෙනහළු පිළිකා අවදානම දුම්පානයට නිරාවරණය වීමෙන් පවා වැඩි විය හැකිය. කෙසේ වෙතත්, දුම්පානය එකම භයානක පුරුද්ද නොවේ. දුම්කොළ (බුලත්විට වැනි) අග්න්යාශයේ, උගුරේ සහ මුඛ පිළිකා සමඟ සම්බන්ධ වී ඇත. දුම්කොළ භාවිතය වළක්වා ගැනීම පිළිකා වැළැක්වීම සඳහා අපූරු ප්රවේශයකි. ඔබට දුම්කොළ භාවිතය අත්හැරීමට අවශ්ය නම් දුම්පානය නැවැත්වීමේ ආධාරක සහ වෙනත් ක්රම පිළිබඳව සෞඛ්ය සේවා සපයන්නෙකුගෙන් විමසන්න.
සෞඛ්ය සම්පන්න ආහාර අනුභව කරන්න
සෞඛ්ය සම්පන්න ආහාර වේලක් ගැනීමෙන් පිළිකා සම්පූර්ණයෙන්ම වළක්වා ගත නොහැකිය. කෙසේ වෙතත්, එය අවදානම අඩු කළ හැකිය. එළවළු සහ පලතුරු ප්රමාණවත් තරමි පරිභෝජනය කරන්න. පලතුරු, එළවළු සහ බෝංචි සහ සම්පූර්ණ ධාන්ය වැනි ශාක පදනම් වූ ආහාර කෙරෙහි විශේෂ අවධානයක් යොමු කරන්න. එකතු කළ සීනි, මේද සහ කැලරි අධික ආහාර සීමා කරන්න. ට්රාන්ස් සහ සංතෘප්ත මේද, රතු මස්, සැකසූ මස්, සහ පිරිපහදු කළ කාබෝහයිඩ්රේට් සීමා කරන්න.
මධ්යධරණී ආහාර වේලක් / Mediterranean diet අනුගමනය කරන පුද්ගලයන්ට පියයුරු පිළිකා වැළඳීමට ඇති ඉඩකඩ අඩුය. පලතුරු, එළවළු, ධාන්ය වර්ග, රනිල කුලයට අයත් බෝග සහ ඇට වර්ග වැනි ශාක පදනම් වූ ආහාර මධ්යධරණී ආහාර වේලෙහි ප්රධාන වේ.
මත්පැන් පානයෙන් ඉවත් වන්න
ඔබ අධික ලෙස මත්පැන් පානය කරන්නේ නම්, එය මධ්යස්ථව කරන්න. මත්පැන් අක්මාව, වකුගඩු, පෙනහළු, මහා බඩවැලේ සහ පියයුරු පිළිකා වැනි පිළිකා කිහිපයක් ඇතිවීමේ අවදානම වැඩි කරයි. ඔබ වැඩි වැඩියෙන් මත්පැන් පානය කරන තරමට අවදානම වැඩි වේ.
නිරෝගී බරක් පවත්වා ගෙන ශාරීරික ක්රියාකාරකම්වල නියැලෙන්න
සෞඛ්ය සම්පන්න බරක් පවත්වා ගැනීමෙන් සමහර පිළිකා ඇතිවීමේ අවදානම අඩු කළ හැකිය. වකුගඩු, අක්මාව, මහා බඩවැලේ, අග්න්යාශයේ සහ පියයුරුවල පිළිකා ඊට ඇතුළත් ය.
ව්යායාම ද වැදගත් වේ. බර පාලනයට සහාය වීමට අමතරව, ශාරීරික ක්රියාකාරකම් මගින් පමණක් බඩවැලේ සහ පියයුරු පිළිකා ඇතිවීම අඩු කළ හැකිය.
සූර්යයාගෙන් ආරක්ෂා වීමට පියවර ගන්න
සමේ පිළිකා වඩාත් සුලභ පිළිකා වර්ගයක් වන අතර එය වළක්වා ගත හැකි සරලම එකක් වේ. හිරු එළියේ වැඩි කාලයක් ගත නොකරන්න. සූර්ය කිරණ වඩාත් දීප්තිමත් වන්නේ උදේ 10 සිට සවස 4 දක්වා වන අතර එම කාලය තුළ මෙය විශේෂයෙන් සත්ය වේ. ඔබ පිටත සිටින විට ඔබට හැකි තරම් සෙවන ලබා ගන්න. පුළුල් තොප්පියක් සහ අව් කණ්ණාඩි ද ප්රයෝජනවත් වේ. ඔබට හැකි තරම් සම ආවරණය වන ඇඳුම් අඳින්න. අව් කණ්ණාඩි සහ හිස් ආවරණයක් පැළඳ ගන්න.
