2025 නොවැම්බර් 11 සිට 27 දක්වා ලාහෝර් සහ රාවල්පින්ඩි හි පැවැත්වීමට නියමිත පාකිස්තානය, ශ්‍රී ලංකාව සහ සිම්බාබ්වේ ක්‍රිකට් තරගාවලිය සඳහා පන්ජාබ් ස්වදේශ කටයුතු දෙපාර්තමේන්තුව පුළුල් ආරක්ෂක සැලැස්මක් ක්‍රියාත්මක කර ඇති බව පාකිස්ථානු මාධ්‍ය වාර්තා කර ඇත.
ස්වදේශ කටයුතු දෙපාර්තමේන්තුවේ ප්‍රකාශකයෙකුට අනුව, තරඟාවලිය අතරතුර ආරක්ෂාව සහතික කිරීම සඳහා පොලිසියට සහාය වීම සඳහා පන්ජාබ් ප්‍රාන්තය විසින් පාකිස්තාන හමුදාව, රේන්ජර්ස් සහ ගුවන් සේවා ඒකකවල සේවාවන් ඉල්ලා ඇත.
ඊට අමතරව, ලාහෝර්හි ගුවන් සහාය ලබා දීම සඳහා හමුදා ගුවන් සේවා හෙලිකොප්ටර් ද කැඳවා ඇත. ආණ්ඩුක්‍රම ව්‍යවස්ථාවේ 245 වන වගන්තිය සහ 1959 පාකිස්තාන රේන්ජර්ස් ආඥා පනත යටතේ හමුදා සහ රේන්ජර්ස් නිලධාරීන් යෙදවීම සිදු කෙරේ.
ප්‍රකාශකයාට අනුව, ආරක්ෂක නිලධාරීන් නොවැම්බර් 8 සිට නොවැම්බර් 30 දක්වා තරඟ, කණ්ඩායම් නවාතැන් සහ ගමන් මාර්ග ආවරණය කරමින් රාජකාරියේ නිරත වනු ඇත.
කණ්ඩායම් ආරක්ෂාව සහ අදාළ විධිවිධාන කඩිනමින් අවසන් කරන ලෙස අදාළ සියලුම ආයතනවලට උපදෙස් දී ඇති බව ප්‍රකාශකයා වැඩිදුරටත් පැවසීය.
මූලාශ්‍රය – dailytimes.com.pk
