ශ්‍රී ලංකාවේ කුඩ සහ වැසි කබා ක්ෂේත්‍රයේ විශ්වසනීය නාමයක් වන රේන්කෝ, සිය නවතම කුඩ සන්නාමය වන Be by Rainco පසුගිය දා එළිදක්වනු ලැබීය. මෙය නව පරපුරේ පාරිභෝගිකයන් සඳහා විශේෂයෙන් නිර්මාණය කරනු ලැබූවකි. තමන්ගේ ප්‍රියතම විලාසිතාවට ගැළපෙන ආකාරයේ ආකර්ෂණීය මාදිලි රැසක් Be by Rainco හි ඇතුළත්ය.
උසස්ම ප්‍රමිතියේ කුඩ නිර්මාණය පිළිබඳ ඉහළම පාරිභෝගික විශ්වාසය දිනූ රේන්කෝ අනන්‍යතාව, මෙම නව සන්නාමය තුළින් ද එලෙසින්ම ඉදිරිපත් කර ඇත. Be by Rainco යනු පුද්ගල විලාසිතාවේ අංගයක් වූ කුඩයට, කලාත්මක වටිනාකමක් හා නව විසිතුරු බවක් එක් කළ අපූරු නිර්මාණයකි.
Be by Rainco යනු කාලගුණයෙන් ආරක්ෂා වීමට එහා ගිය අත්දැකීමක් පාරිභෝගිකයාට තිළිණ කරන සන්නාමයකි. එදිනෙදා පාවිච්චියට ප්‍රයෝජනවත් භාණ්ඩයක් සහ සුන්දර විලාසිතාවක් යන අංග දෙකම සමබරව මේ තුළ දැකිය හැකිය. සරල, චාම් මෝස්තර සමඟ අපූරු නිර්මාණශීලී බව එක් කළ සුන්දර නිමාවකින් යුතු මෙම නව මාදිලිය, විලාසිතාවලට කැමති කාටත් එක සේ ගැළපෙන්නකි.
“Be by Rainco යනු සරල නමුත් සුවිශේෂී අදහසක් අනුව නිර්මාණය වූ කුඩ මාදිලියක්. අලුත් පරම්පරාවට ගැළපෙන විචිත්‍රවත් බවකින් සහ උසස්ම නිමාවකින් යුතු මෙය අව්ව වැස්ස කුමක් වුවත් තමන්ගේ ප්‍රියතම විලාසිතාව සමඟ එළිමහනේ ගැවසෙන්නට ඉඩ සලසනවා. ඒ වගේම, Be by Rainco අපේ ප්‍රවීණත්වය සහ නව නිපැයුම්වලටත් හොඳ නිදසුනක්. අව් වැසි මැද ගෙවෙන එදිනෙදා ජීවිතයේ, අපේ අනන්‍යතාව සමඟ, විලාසිතා කරන්නත් Be by Rainco නිසා ඔබට අවස්ථාව ලැබෙනවා. අලුත් පරම්පරාවට ඔවුන්ගේ නිදහස විඳින්නට අප මෙසේ ඉඩ සලසා දී තිබෙනවා.” Be by Rainco හඳුන්වා දීමේ නිල උත්සවය අමතමින්, Avarna Ventures (Pvt) Ltd.හි සමූහ සාමාන්‍යාධිකාරී – අලෙවිකරණ හා නව නිපැයුම්, ගයනි ගුණවර්ධන සඳහන් කළාය.
සුවිශේෂී කාණ්ඩ හතරකින් එන Be by Rainco මාදිලි පෙළ, සුන්දර විලාසිතාමය පෙනුමකින් මෙන්ම ඉහළ කල්පැවැත්මකින් ද සමන්විතය. ඇතැම් මාදිලිවල හිරු එළියෙන් ආරක්ෂාව සලසන UV-ආලේපිත ආවරණයක් ද යොදා ඇත. මාදිලි අතර පළමුවැන්න, Style Canopy වේ. මෙය එදිනෙදා ගමන්බිමන්වලට හොඳින් ගැළපෙන, වැස්සෙන් හා හිරු එළියෙන් ආරක්ෂාව ලබා දෙන කුඩයක් වන අතර, ඔබේ පෙනුම ඉහළ නංවන්නට ද උපකාරී වෙයි. Carry Easy යනු ප්‍රමාණයෙන් කුඩා, සැහැල්ලු, අත්බෑගයේ පවා ගෙන යා හැකි හුරුබුහුටි මාදිලියකි. Take a Pic එකතුව චාම් පැස්ටල් වර්ණ සහ මල් මෝස්තරවල විචිත්‍රත්වය සමඟ නිර්මාණය වූවක් වන අතර, විශේෂ අවස්ථා සහ ඡයාරූප සඳහා ද වඩාත් සුදුසුය. Cloud Tears, වැසි දිනවල චමත්කාරය විඳින්නට ඉඩ සලසන, විනිවිද පෙනෙන වියනක් ආකාරයෙන් සකස් කළ, කෙළිලොල් බවකින් යුතු මාදිලියකි.
මිල රු. 1,499 සිට රු. 2,999 දක්වා මිල පරාසයකින් එන Be by Rainco එකතුව, ශ්‍රී ලංකාව පුරා ප්‍රමුඛ පෙළේ විලාසිතා සිල්ලර වෙළඳසැල්වලින් මෙන්ම Online හරහා ද මිලදී ගැනීමේ හැකියාව ඇත.
Rainco යනු, එදිනෙදා ජීවන රටාවට නැතුවම බැරි නිෂ්පාදන පෙළක් හඳුන්වා දුන්, ශ්‍රී ලංකාවේ ප්‍රමුඛතම විවිධාංගීකරණයක් ඇති සමූහ ව්‍යාපාරයක් වූ Avarna සමූහයේ අනුබද්ධිත ව්‍යාපාරයකි. නිර්මාණශීලී බවට මුල් තැන දෙමින්, නවෝත්පාදනය සමඟ Rainco අඛණ්ඩව පැමිණි ගමනේ නිබඳ ශක්තිය වූයේ ද මෙම මවු සමූහයයි.
එදිනෙදා ජීවිතයේ විශ්වසනීය නාමයක් දිනූ Rainco, තරුණ පාරිභෝගිකයින් තමන් පරිහරණය කරන උපකරණ පෞරුෂයේ කොටසක් ලෙස සැලකීමට දක්වන උනන්දුව හොඳින් හඳුනා ගත්තේය. නව පරපුරේ විලාසිතාවන් පිළිබඳ මනා අවබෝධයකින් හඳුන්වා දුන් Be by Rainco විශේෂයෙන්ම Gen Z පරපුරට සහ නව නාගරික ජීවන රටාවට හොඳින්ම ගැළපෙන සන්නාමයක් වන අතර, කල්පැවැත්ම සහ විශිෂ්ටත්වය අතින් Rainco දිනූ විශ්වාසය ද මේ තුළින් පෙන්නුම් කෙරේ.
දශක ගණනාවක් පුරා ගුණාත්මක බව, කල්පැවැත්ම සහ නවෝත්පාදනය පිළිබඳ නොමැකෙන සලකුණක් තබන්නට සමත් වූ Rainco සන්නාමය, නව පරපුරේ විලාසිතා වෙනුවෙන් Be by Rainco ඉතා ගෞරවයෙන් යුතුව තිළිණ කරයි. අව් වැසිවලින් ආරක්ෂා වීමෙන් එහා ගිය අපූරු සුන්දර අත්දැකීමක් සමඟ, ආත්ම විශ්වාසය පිරි විලාසිතාවකින් අභිමානවත් ගමනකට Rainco ඔබට ඇරයුම් කරයි.
